سلسلة أبيات أعجبتني 1

[الريان]

تحط برقبتي حجر

تحط برقبتي حجر وترميني وسط النهر
وتقولي عوم .. وشلون أعوم

تحملني ضيم وقهر وتكسر علي الظهر
وتقولي قوم .. وشلون أقوم

كله وذا ما كفاك زايد علي جفاك
وبعدك تلوم

قاسي وقلبك حجر منك بعز الظهر
شفت النجوم

ما شفت لحظة صفاك ما يوم تهدى سماك
دايم غيوم

ما عاد فيني صبر ليلي دموع وسهر
ما أقدر أنوم

ذبحني والله غلاك أتعبت قلبي وراك
وعشت بغموم

ضايع معاك العمر بين الجفا والهجر
منك محروم

ومن وين ألاقي رضاك ما دمت شاكي معاك
قاسي ظلوم

وتأمر يا محمد أمر أطلع بسطح القمر
وأقطف نجوم

وأشيل صخر وحجر وأسكت وأطيع الأمر
وأبقى كتوم

[الريان]

طحت من عيني
طحت من عيني بعد ما كنت عالي
وحبك أرخصته بعد ما كان غالي
كل شي بارضاه منك إلا الخيانة
بعدها يحرم على حبك وصالي
كم سهرت أيام في حبك مولع
ما دريت انك بتمثيلك خيالي
أشتكي لك منك وأشكيك العدالة
كل منهم قال قلبك ما صفالي
كنت مالي كل قلبي وكل عيني
وكنت أحسب أني وسط قلبك لحالي
وأثر قلبك كل يوم له حبايب
وأثر قلبك من احساس الحب خالي
يا خسارة وقت في حبك قضيته
ضاعت أحداثه هدر طول الليالي
روح أنا ماني بمتحسف بعادك
بس أعزي من بيرضى بك بدالي

[الريان]

]تعاتبني بنظرات خفيــة
وأجاملها ولا ادري وش وراها
أجاوبهـا بنظرات حزينة
تعبر عن ضنـا الروح وشقاها
أسايرها وأجاوب كل نظرة
وأخبي الوجد وأبحث عن رضاها
وعقب ما شفتها عرفت قلبي
تناســاها ولكن ما نساهــا
غلاها يزود مع زود الليالي
وباع الناس قلبي واشتراهــا
وصرت أغار أنا منها عليها
خطا نفسي وآنا أتحمل خطاها
وأغار من أمها حتى وأبوها
وأغار من الذي بأمره ولاهـا
وأحسد اللي تبره بالرعايـة
وأحسد اللي بأحاسيسه رعاها
وأحسد البنـز لا قامت تسوقه
أخاف أنه يشاركني غلاهـا
وأحسد الريح لا حرك شعرها
وأحسد عيون غيري لا تراها
وأغار من القمر لا شع نوره
خذت نور القمر واصبح ضواها
وأحسد الشمس لا بانت عليها
أشعتهــــا تسبب في أذاها
وأحسد الأرض لا داست عليها
أثر خطواتها تحيي ثراهـــا
وأغار من النجوم إليا تعلت
وشافتها وعيني ما تراهـــا
وأغار من الهدوم اذا لبستها
عساهـا ما تجرحها عساهـا
واغار من الخواتم في يديها
وساعتهــا وكل اللي معاها
وأغار من القلادة في نحرها
وأغار من الشعر لامن كساها
وأغار من القصيدة لا قرتها
ولو هي قصتي واشكي جفاها
وتشمل غيرتي حتى المرايا
يحق لهــا بشوفتها تباهـا
نعم وأغار حتى من الوسادة
وأحسد فراشها ويا غطاهــا
آلا يا من يساعدني عليهـا
يوصلني هوى النفس ومناها
عجزت أعالج جروحي بروحي
جروح القلب ما تشفى بلاه

[الريان]

البعد طول والخطأ منك واضح
اذا غرورك يمنعك تعتذرلي
تعال جنبي وابتسم لي واسامح
تدري احبك لكن الموت ذلي
ادوس انا قلبي لو الشوق جامح
الله عطاك الحظ واصبحت خلي
والله عطاني اياك طاغى ملامح
سألتني يا ياسميني وفلــــــي
ياكيف يشفى الورد..والشوك جارح
مثل العيون اللي لها كل كلي
زايد حلاها لكن الدمع مالح
وش تنتظر يكفي دلال وتغلي
الوقت ماهو للوصل دوم سانح
مادمت ترحالك ومادمت حلي
ان صرت انا خسران ماصرت رابح
لا تعطي الفرصة لعذالنا اللي
لكل ماهو يهدم الحب طامح
مالك صبر عني ومالي تسلي
والوقت خيل صوب الاجال رامح
سيد جروحي شمس عمري وظلي
الحب بعد وقرب ..مخطي
وصافح اذا غرورك يمنعك تعتذرلي
لاتعتذرلي قول اسمي واسامح

[الريان]

يا بعد هالدنيا ليه
صاحبك تقسى عليه
اللي اهدى لك حياته
وانت مستكثر تجيه
ارخص الدنيا لغلاتك
واشترى فرحة حياتك
لو طلبته عيونه جاتك
وانت تتغلى عليه
لك حبيب يموت فيك
حس به الله يهديك
هو منشغل باله عليك
وانت ما فكرت فيه
كنك الماي لضماه
وفرحته ولمسة شفاه
وانت حلمه في الحياة
وانت كل اللي يبيه

[الريان]

]ياللي زعلت
ياللي زعلت إزعل ولاني مراضـيك
أشرب كدر ماي البحر كانه أرضـاك
لا تحسب أني عقب صدك بداريـك
بأعز نفسي عنك مـدراك مــدراك
أربـع ســنين وأنا متحمـل تغليك
راضي بتعذيبك لأجـل قلبٍ أغـلاك
وخليتني واليــوم والله لأخـليـك
وأدوس قـلبي لينـه يقـول خـلاك
قبـل توريني الحسـاير بأوريــك
ليمن يقـال فـلان هانـك و ورآك
كـانك تحداني فأنـا أقبـل تحـديك
وأنسى الغـرام اللي مـضى وأتحداك
مـاني بقايـل لك عسى الله يهنيـك
الله يحـرمك كـل مـا كان هنّــاك
عـسى العمـى ياخين العهد يعميـك
فوق الغرور اللي عن الماضي أعماك
وعسـاك ما تسمـع قريب يناديـك
حيثك تجاهل صوت محـروم نـاداك
وعسى الشلل يعـوق رجـلٍ تمشيك
لـينك تنـدم ليـه غـيرت ممشـاك
وعسى حياتك بس فرحـة لشـانيك
يلقى بها الفـرصـة عدوك ويشناك
وعسى الليـالي اللي تجيني بطاريك
يصبح عليها الصبح ويموت طريـاك
وعسى المنـام وكل راحة تجافيـك
آمين حتى اللي تمنــاه يجفـــاك
وعساك ما تفـرح وتكثر بـلاويـك
وأمك تشـق الجيب من عظم بلـواك
وإلى مت جعلك في جهنم تصـاليـك
نار الجحيم ونار دنياك تصـــلاك
الله يكـره فـيك حـتى دوانيــك
غشـاش خـاين من من الناس داناك
هذه النهايـة روح والله يجازيــك
أمسـك ويومـك عنهم الغد يجـزاك

[خواااااطر]

الريان

تحط برقبتي حجر وترميني وسط النهر
وتقولي عوم .. وشلون أعوم

مشكور على اختيارك الابيات الرئعه

يسلمووو يالغلا وبنتظار جديدك

لك من الود اصدقــه

خواااااطر