الشاعِرْ الأمِير / بَدِرْ بِنْ عَبْدِ المِحْسِنْ آلْ سُعُودْ ـ وقفة و قصائد [الأرشيف]

مشاهدة النسخة كاملة : الشاعِرْ الأمِير / بَدِرْ بِنْ عَبْدِ المِحْسِنْ آلْ سُعُودْ ـ وقفة و قصائد

][..mjro0o7a..][

07-21-2007, 08:44 PM

الشاعِرْ الأمِير / بَدِرْ بِنْ عَبْدِ المِحْسِنْ آلْ سُعُودْ

شَاعِر مُرْهَفُ الإحْسَاس .. لا يَسَعُني سِوَى وَصْفُه .. بِالبَدْر المُتألِقِ شِعْرا ً..

قصَائِدُه ألْهََمَت الكَثيرِين مِنَ الشُعَراءِ والعَاشِقين وَالمُتابِعين لرَوائِع هَذا المُبْدِع

أقوُلُ لَه اقتِباساً مِن شِعْرِه ( مَا اخْترَت أنا حِبكْ .. مَحَدْ يِحِبْ اللِي يَبِي )

نَعَم نُحبِك .. وَنعْشَق أصَالَة قلمَك .. وحُضوُرَك المُفعَم ْبالهيَبْة الشِعْريِة .. والحِكايَات الغزَليِة ,, وأيْنَ ماَ وُجِد اسْمُ البَدِر ...

فَتأكدَ عَزيزي القارِئ .. أنَك سَتتذوَق أنفْس الحُرُوف .. وأْروَع الكِتابات النَثرِية ..

بَدِرْ بِنْ عَبْدِ المِحْسِنْ .. الأمِير .. الإنْسَانْ
لِطُمُوحِك .. وإنْسَانِيتِك .. وإحْسَاسِكَ العَالي بِمَن حَوْلك .. وقلبُك الناصِع أقوُل .. وأنَا أتنفسُك َشِعْراً وأعْطَشكَ لِقاءً

وََفقَكَ الله لِمَا يُحِبُ وَيَرْضَى .. وأسْبغَ عَليك ثوْبَ العِز والعَافِية ..

بدر بن عبد المحسن بن عبد العزيز من مواليد مدينة الرياض في 2 ابريل عام 1949، و هو الإبن الثاني لصاحب السمو الملكي الأمير عبد المحسن بن عبد العزيز - رحمه الله - .

تولى والده سمو الأمير عبد المحسن بن عبد العزيز إمارة المدينة المنورة في ربيع الثاني عام 1385 هـ، وخطت المدينة في عهده خطوات واسعة نحو التقدم والتوسع العمراني، وكان لين الجانب لأهل المدينة، حريصاً على لقائهم ومجالسة وجوههم.

ومما يذكر من نجدته أنه بعد تسلمه الإمارة بفترة وجيزة؛ انهارت عمارة في شارع المناخة، فسارع إلى الموقع، وأمر بضرب الخيام في المنطقة، وأقام فيها أكثر من أسبوعين، يشرف بنفسه على عملية إزالة الأنقاض واستخراج الأحياء والمصابين.

وكان طوال مدة إمارته حريصاً على متابعة الأمور في مواقعها، إلى أن داهمه المرض واشتد عليه، فنقل إلى مستشفى الملك فيصل في الرياض عام 1402 هـ، حيث وافاه الأجل المحتوم عام 1405 هـ،

و والدة الأمير بدر بن عبد المحسن هي الأميرة وضحى الحمود الرشيد - رحمها الله - .

~*¤ô§ô¤*~ له من الإخوان كل من :~*¤ô§ô¤*~

سمو الأمير سعود بن عبد المحسن بن عبد العزيز أمير منطقة حائل.
سمو الأمير وليد بن عبد المحسن بن عبد العزيز.
سمو الأمير فيصل بن سعد بن عبد العزيز.
سمو الأمير عبد العزيز بن سعد بن عبد العزيز نائب أمير منطقة حائل.

~*¤ô§ô¤*~ و له سبع أخوات. ~*¤ô§ô¤*~

~*¤ô§ô¤*~ و له ثلاثة أبناء هم: ~*¤ô§ô¤*~

سمو الأمير خالد بن بدر بن عبد المحسن بن عبد العزيز.
سمو الأميرسلطان بن بدر بن عبد المحسن بن عبد العزيز.
سمو الأمير سعود بن بدر بن عبد المحسن بن عبد العزيز

~*¤ô§ô¤*~و له عشر بنات و هن~*¤ô§ô¤*~

سمو الأميرة نوره بنت بدر بن عبد المحسن بن عبد العزيز.
سمو الأميرة لمى بنت بدر بن عبد المحسن بن عبد العزيز.
سمو الأميرة العنود بنت بدر بن عبد المحسن بن عبد العزيز.
سمو الأميرة صيته بنت بدر بن عبد المحسن بن عبد العزيز.
سمو الأميرة بسمه بنت بدر بن عبد المحسن بن عبد العزيز.
سمو الأميرة لين بنت بدر بن عبد المحسن بن عبد العزيز.
سمو الأميرة سلمى بنت بدر بن عبد المحسن بن عبد العزيز.
سمو الأميرة مشاعل بنت بدر بن عبد المحسن بن عبد العزيز.
سمو الأميرة الجوهرة بنت بدر بن عبد المحسن بن عبد العزيز.
سمو الأميرة وضحى بنت بدر بن عبد المحسن بن عبد العزيز.

حفظهم الله جميعا.

نشأ الأمير بدر بن عبدالمحسن في بيت علم وأدب حيث كان والده الأمير عبدالمحسن بن عبدالعزيز - رحمه الله -

محباً للعلم والأدب، كما و انه شاعر مبدع ولديه مكتبة ضخمة تضم العديد من الكتب كما أن مجلس والده - رحمه الله - مليء بالعلماء والأدباء وكبار المفكرين في ذلك الوقت مما كان له الأثر البالغ - بعد الله - في حب الأمير بدر للأدب والشعر.

و في نهاية الستينيات و مطلع السبعينات أصبح سموه رئيسا للجمعية السعودية للثقافة و الفنون حيث اضفى عليها العديد من الأفكار وكان لسموه الأثر الكبير في تطوير هذه الجمعية و الرقي بها.

و لقد استفاد من وجوده في بعض هذه البلدان بلقاءاته مع العديد من الرواد والأدباء و المفكرين و عمالقة الفن من أمثال الشاعرأحمد رامي و محمد عبد الوهاب و محمد الموجي وعبد الحليم حافظ و كثيرين غيرهم.

درس مراحله الإبتدائية بين المملكة العربية السعودية و مصر، والمتوسطة في مدرسة الملكة فكتوريا في الاسكندرية، ودرس المرحلة الثانوية في المملكة العربية السعودية .. كما انه درس في بريطانيا ( لندن ) و في الولايات المتحدة الأمريكية.

أقام سمو الأمير بدر العديد من الأمسيات و كان أولها الأمسية التي اقيمت في نادي الإتحاد بجدة، و تتابعت بعد ذلك الأمسيات واحدة تلو الأخرى و منها على سبيل المثال امسيات سموه في البحرين، الإمارات، الكويت، و العديد من الأمسيات داخل المملكة العربية السعودية.

غنى له العديد من المطربين، على المستوى المحلي و على المستوى العربي و أبرز من غنى له الفنان طلال مداح، محمد عبده، عبادي الجوهر،عبدالمجيد عبدالله ، عبد الكريم عبد القادر، نجاة الصغيرة، خالد الشيخ، عبد الرب ادريس، عبدالله الرويشد و العديد من الفنانين الاخرين.

و لقد أحدثت قصائد سموه تحولا في الأغنية السعودية و الخليجية بشكل عام ، حيث نهج سموه أسلوبا جديدا لم يكن معروفا من قبل في الكتابة.و أصبح مدرسة ينهل من معينها العديد من الشعراء الشباب في الوقت الحاضر.

تناولت قصائدة العديد من المواضيع المختلفة حيث كتب الكثير من القصائد الوطنية الخاصة بالمملكة العربية السعودية و بعض دول الخليج أثناء زياراته لها، كما انه يعد من أكثر الشعراء كتابة في أزمة الخليج و تغنى بهذه القصائد العديد من الفنانين كما انه تناول في قصائده مواضيع مثل الغزل و الوجدانيات و التأمليات و الرثائيات. و أبرز ماقال في الرثاء قصيدته في والده ووالدته - رحمهما الله -

و من أهم الأعمال التي قام بها سموه قيامه بعمل اوبيريتين لمهرجان الجنادرية :
- الأول هو اوبريت وقفة حق في مهرجان الجنادرية السابع عام 1412 هـ - 1992 م.
- و الثاني هو اوبريت فارس التوحيد في الجنادرية 14، و قد حصل هذا الأوبيريت على جائزة في مهرجان القاهرة للإذاعة و التلفزيون حيث اختير هذا العمل من ضمن أفضل الأعمال، و تميز الأخير بالمزج بين الدراما و الشعر مما أضفى على العمل رونقا خاصا.

على الصعيد الإعلامي تهافتت الصحف والمجلات الشعرية على تغطية أخبار الأمير بدر منذ بداياته حتى وقتنا الحالي، سواءً عن طريق نشر قصائد سموه أو نشر لقاءات صحفية أو تغطية لأمسياته ، كما ان للقنوات الفضائية والأرضية المرئية منها والمسموعة نصيب من شاعرنا حيث غطت أغلب أمسيات سموه إضافةً الى العديد من المقابلات التلفزيونية والإذاعية.

و لسموه اهتماما بالرسم كهواية الى جانب الشعر حيث بدأ الرسم منذ نعومة اظافره و لسموه العديد من اللوحات الجميلة و المعبرة، كما ان لسموه اهتماما بالقنص و صيد الحبارى و أهتمامات عديدة في الكمبيوتر فيما يخص الرسم و التصميم و كذلك الإنترنت

يــتبـع

][..mjro0o7a..][

07-21-2007, 08:45 PM

~*¤®§(*§*)§®¤*~ˆ°الا الهوى °ˆ~*¤®§(*§*)§®¤*~ˆ°

ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...

°ˆ~*¤®§(*§*)§®¤*~ˆ°اوراق الزمن °ˆ~*¤®§(*§*)§®¤*~ˆ°

ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..

في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..

جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..

ˆ~*¤®§(*§*)§®¤*~ˆ°الحب عبدي وسيدي °ˆ~*¤®§(*§*)§®¤*~ˆ°

لا تشد القيد ...
تجرح يدي ... أو تجرح القيد ...
قيدك غدى يوجع يدي ...
سجني أنا انت ... وسجنك أنا ...
والحب ... الحب عبدي وسيدي ...
لا ... لا تشد القيد ...
دمي ... جرى ... دمك ...
همي إني اشوفك في يدي ...
وإلاّ يدي همّك ...
في معصمي صرت ...
إنت السجين في معصمي ...
وكانك تصبرت ... أنا مقوى الصبر ...
دمعي في عيني ... وصرختي تملا فمي ...
سجني وسجاني ... أحزانك احزاني ...
وشلون ابنساك ... وشلون تنساني ...
محبوس في عيونك دمع ...
وزنزانتي ... تقطيبة الحاجب ...
وحاول توارى في الجفا ...
يا وجهه الصاحب ...
بتشوف نفسك في يدي ...
قيدٍ رقيق ...
قيدٍ سلب حريتي ...
ليته طليــق ...
يا صاحبي ... ما به ابد قيدٍ طليق ...
لا ... لا توجع يدي ...
سجني انا انت ... وسجنك انا ...
والحب ... الحب عبدي وسيدي ...
°ˆ~*¤®§(*§*)§®¤*~ˆ°جرحي بخير .. °ˆ~*¤®§(*§*)§®¤*~ˆ°

ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه فـ غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..
][`~*¤!||!¤*~`][سوالف ليل ][`~*¤!||!¤*~`][

سوالف ليل ..
بجنب المنقد الغافي ..
على حد السهاد ..
تحدثنا في تالي ليل ..
زرعنا سرنا الخافي ..
على شفاه الجمر معنى ..
وخفنا الناس تسمعنا ..
يا انتي .. لاتوادعنا...
في تالي ليل لاتخافي ..
بنلقى اللي بقي معنا ..
سوالف ليل ..
أو حفنة رماد ...

][`~*¤!||!¤*~`][سافري ][`~*¤!||!¤*~`][

سافري كان يرضيك السفر
جربي لو ورى ليلي صباح
بدلي الرمل بأمواج البحر
واتبعي الغيم تحملك الرياح
سافري لين تبكين المطر
واضحكي لين ما يضيق البراح
ولا تعبتي وحسيتي بضجر
خلي الشوق لديارك جناح
أرجعي في ابتساماتك عذر
مثل ما الدمع في عيني سماح
انتي العين من طول النظر
وانتي القلب من كثر الجراح

][`~*¤!||!¤*~`][صوتك يناديني ][`~*¤!||!¤*~`][

تذكٌر .. صوتك يناديني ...
تذكر ... تذكر ...
تذكر الحلم الصَغير ...
وجدار من طين وحصير ...
وقمَرا ورا الليل الضرير ...
على الغَدير ...
لاهَبٌت النسمَة تكسر ...
جيتي من النسيان ...
ومن كل الزمان ...
اللي مَضَى ... واللي تغٌير ...
صوتك يناديني تذكٌر ...
ناديتي ... خانتني السنين ... اللي مَضت راحت
ناديت ... ماكن السنين ... اللي مضت راحت
كنا افترقنا البارحة ...
البارحة .... صارت عمر ...
ليله ... أَبَدْ عيٌت تمرٌ ...
ياجمرة الشوق الخَفي ...
نسيت أنا وجرحك وفي ...
يتذَكر الحلم الصغير ...
ريانَة العُود ... نادي ...
نادي الليَالي تعُود ..
بشوق الهَوى ... بوعُود ...
بوجهي اللي ضيعته زَمَان ...
في عُيُونك السٌود ...
ياالضحكة العَذبة ...
عَنك الصٌبر ... كِذبه ...
وفيك العُمر موعود ...
اشتقت للحلم الصغير ...
واشتقت لجدار وحصير ...
وقمَرا ورا الليل الضرير ...
على الغدير ...
ان هبت النسمَة تكسر ...

][`~*¤!||!¤*~`][سلام ][`~*¤!||!¤*~`][

سلام يا رمشٍ كسى باهي الخد
سلام يا ذبح القلوب الخليه
انعم من النسمة على خدة الورد
وأغلى سلامٍ لو ترده عليه
كان الجفا منك حصل لي فلا بد
أرضى بعطفك لوه رد التحيه
رد السلام ولي تبسم على قد
ما توجب ظروف الوفا والحميه
وان كان لك قلبٍ غليلٍ على الصد
الله حسيبك صد .. أنا اش في يديه
والله ما يصبر على خاين الود
كود الذي قد خان أمانة خويه

][`~*¤!||!¤*~`][سوالف رحلتي ][`~*¤!||!¤*~`][

عن حبك رحلت ..
ولحبك وصلت ..
وهذي سوالف رحلتي ..
سافرت .. في كل التراب
سافرت .. لديار السحاب
وهربت من ليل اللقاء .. وسهر الغياب
وأنتي بداية رحلتي وكنتي النهايه ..
ودعتك وغصب علي خذتك معايه ..

يا طول هالرحله.. لو هي المسافه والزمن
يا قصر هالرحله .. سافرت من جرح الشجن
يا طولها .. يا قصرها

تصوري إني نسيت
بس الأكيد إني بكيت
لين الدموع تكدست .. أوراق
عن حبك رحلت
ولحبك وصلت
وهذي سوالف رحلتي

~*¤ô§ô¤*~*¤ô§ô¤*~عيونك والعتيم ~*¤ô§ô¤*~*¤ô§ô¤*~

إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه

إنتى عيونك سالفه .. سمعتها ليلة سفر
واثنين مروا بعاصفه .. وضيعوا نجمة وقمر
ومن يومها كثر الظلام .. وراح السحاب وبارقه

إنتي عيونك هالمدى .. بحر وطيور مهاجرة
تركت في شطه صدى .. صوتٍ تجرح آخره
ليتك سمعتي صرختي .. بالحيل كانت صادقه

إنتى عيونك نجمتين .. ضي ٍ ورا ضي ٍ يعود
ويادوب غابوا ليلتين .. خلو شموس الكون سود
رحتي ولا ظنك تجين
وين الوعد يامفارقه

إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه

~*¤ô§ô¤*~*¤ô§ô¤*~صعب السؤال ~*¤ô§ô¤*~*¤ô§ô¤*~

صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد

يتبع

][..mjro0o7a..][

07-21-2007, 08:46 PM

~*¤ô§ô¤*~*¤ô§ô¤*~عاشق هالزمان ~*¤ô§ô¤*~*¤ô§ô¤*~

لا انت حارس للنجوم .. ولا انت غارس للقمر
وما انت حابس للسموم .. ولا انت حاسس بالمطر
شايلٍٍ هم التراب .. وشايلٍ هم السما
وانت يغويك السراب .. وانت يقتلك الظما
تحمل هموم وهموم
وانت فـي الآخر بشر

***
لا انت فارس هالرمال .. ولا نوارس هالبحر
أعظم حروبك خيال .. واقصر دروبك سفر
شايلٍ هم الصديق .. وشايلٍ هم العدا
ليه تمشي والطريق .. كل ما خلص .. بدا
وليت به شيٍ يدوم
وانت فـي الآخر بشر

***
لا انت عاشق هالزمان .. ولا مشانق هالزهر
انت تحتاج الأمان .. لو تعانق لك حجر
شايلٍ هم الغياب .. وشايلٍ هم اللقا
كافي ضيعت الشباب .. لا يضيع اللي بقى
ما لأوهامك لزوم
وانت في الآخر بشر

الفتاة الغايبة

و سـلامـي .. لمن سـأل عـنـي ..
أنـا من أشعـل .. عـيـون الفـتـاة الغـايبـه.. شـمـس بـكـلامي..
ليـن تـركـوني النـاس .. و راحـوا لضـي عـيـونهـا ..
و رجـعـت نفـسـي طـايبـه.. أجـرّ ظـلـّي ..
و كـان لي .. ظـل ثـقيـل .. تعـلق .. بعـود نحيـل ..
و القـلـب رجـل عـايبـه .. ترقـا جـبـل ..
ردوا ســلامـي .. لمـن سـأل ..

يحـينـي الـكـلام .. قـولي .. قـولـي أعـرفـك ..
انت من يحـمل جـذوع الـشـجـر للـماء.. ولنـور القمـر ظـلمـا..
أنت اللـي مـردت الـقــوافـل .. تطـلب التـرحـال ..
و زيّـنـت الـشـمـال.. نجـمـه .. وعـلـّمـت الغــلام .. اســمـه ..
ليـن انتـهـض .. رجـال .. يحـيني الـكـلام .. قـولـي ..
في بعـض الـكـذب .. رحـمــه..

الوقـت يمضـي .. صـديـقتـي.. والنـاس تمـضـي ..
وهـالحـراس باقيـن .. على ورق هـالـتيـن ..
والكـوكـب الفضـي .. والبـوح بالأحـسـاس ..
تتـغـيـر الألـوان .. الا الـسـواد .. متى الـسـواد يمـضـي ..
تـوي رفـعـت الأرض .. سـجـده .. وســبّحـت لـه.. وحـده ..
و صـار الـرمـاد .. ومـضـي .. و كـل الـذنـوب .. غـبـار ..
و دمـوعـــي الأمـطــار ..

صـديقـتـي .. يحـينـي الـكـلام .. قـولي .. لمـن سـأل ..
أنا من اشـعـل عيون الفـتـاة الغـايبـه .. تيـه وخجـل ..
ليـن تركـونـي الناس .. و رجـعـت نفــسـي .. تايبـه ..
مـن كـل.. مـا في النـاس .. و كـل مـا فـينـي .. الا .. الكـلام ..
أنا..الكـلام يحـيني .. يحـيني الكـلام .. قـولي ..
لاجـل الفتاة الغايبـه .. من هالعــتيـم .. تعـود ..
وردي سـلامـي لمن سـأل .. ان كـنت أنا مـوجـود.. مـوجـود..
و الحـلـم .. رجـل عـايبـه .. ترقـا جـبـل ..
و سـلامـي للـفتـاة الغايبـه ..

لو تغيبي

لو تغيبـي ولو رحـل وجهك حبيبـي

في غيابـي عنك أشوفك .. وفي عذابـي منك أشوفك

صـدقينـي مـا نـقـص هالليـل بعدك إلا قمـرا

وما فـقـدت من النهـار إلا شعاع الشمس بكـرا

واجمل الناس حبيبـي ..

لو تغيبـي لو رحـل وجهك حبيبـي

تصغر الدنيا وتضيـق

كلّ مافي الدنيا أعرفه إلا بيتـي والطريق

أنا أحبك ذا نصيبـي .. إبعدي عني وغيبـي

صـدقينـي مـانـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا

لك ليـالي ما سألتـي .. ولي ليـالي ما سـألت

ولو دريت إنك زعلتـي .. كان أفرح مـازعـلت

بس داري مافي قلبـك إلا قلبـك

واختياري إني أحبـك والا أحبـك

ومن عذاب الحب يكفـي لو تجرّح قلب واحد

وإنتي يا حبـي وضعفـي لا يهمك كله واحد

لجل تتغير فصول .. ويبكي الغيـم في عيونـي

وتزهر جبال وسهول .. اضحكي بيـّا وبدونـي

وصدقينـي مـا نـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا

كفاك غرور

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور

الرســــــــايل

وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله

في ليله كنها الليله عرفتك بسمتي و فجري
و ليله زي ذي الليله و هبتك في الأمل
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله

العشق والموت

ضمي مَلامح صورته ..
ضميه .. لعله يفيق ..
يَشهق .. أو يَردّ النَّفسْ ..
ضمّيه لعَله حبس ..
صٌوته .. رعشة عرٌوقه ..
وخيم حزين الصمت فُوقه ..
مات .. مات
من قبل ما يكتب له فـ قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى .. ما تلمحي ..
فـ طرف ثُوبك له دما ..
يا خٌوفتي .. اللي سبح في نهرك الجَارف ..
غد اموته ظما ..
ضمّي ملامح صورته ..
ضمّيه لعله يفيق ..
يشهق أو يرد النفس ..
صوته جرس ..
ينحب على بوابة الليل ..
يوقظ خدر جرحك ..
يتل من عينك احبال الدّمع
ضمّيه لعله سمع ..
انك تحبينه ..
ولا ..قلتي تحبيه ..
ولا .. قلتي تحبيه ..

موعد الاحباب

سقى الله موعدك يا زين ..
سقى الله موعد الاحباب
سحابٍ ماهمى من عين .. ولا جادت به الاحزان
سحابٍ ماطرٍ هتان .. سقى الله في العمر ليله ..
ظهر في صفوها بدرين .. قمرها .. ووجهك الفتان
الا ليت الفجر .. ما بان ..
ترى فرقى الأحبه شين
سهرنا والهوى واحد .. وصرنا والفراق إثنين
حبيبي قلبي اللي كان .. وفينا والزمن خوان
صبرنا والسؤال سنين ..
سقا الله روض خلاني .. رحلت وما رحلتوا بعين
ولا روحٍ .. ولا وجدان ..
نسيتوا بداركم إنسان .. نسيتوا وما نساني البين

يتبــع

][..mjro0o7a..][

07-21-2007, 08:46 PM

~*¤ô§ô¤*~*¤ô§ô¤*~صرخة بلا فم ~*¤ô§ô¤*~*¤ô§ô¤*~

قالـــت قـصــــيدك ليـل .. ســودٍ مـعـــانـــيـه
رويـانـــــةٍ بالــــدمـــع ... وامـــدادهـــا دم

الى متـــى يـا شـاعـــر الـهـــــم تــخـفـــــيه
والى متـــى .. تحنى ضلوعـــك على هم

قلـــت الــبـــكـــا .. صـعـــبٍ عــليه وأنـــا بيه
لا واهــــني الـــلي بـكــــى ومـــا تـنـــدم

لي عبـرةٍ يلعــــب بهـا الــحــــزن والــــتــــيه
ولي صرخــــةٍ .. واتعبـــت ابـلقــى لها فم

لا مــا كــتـــبــت الــشعـــر .. لـحـدٍ بسليــه
ولانــــيــب مــــداحٍ .. ولا بــاتــــرنــــــم

احـــســــاس لابيــعــه ولانـــيــب شـــاريــه
مـــرٍ يجـــي شـــهـــدٍ ومــــرات عـلــــقم

الى لمحــــتي دم جـــوفــي .. افـــ خــــليه
علــىالورق .. لا صـــار روحــــك تـــالـــــم

قلـــت الـشـــعــر يوم إن لي .. راحـــةٍ فيه
وحـــزين أنــا .. إلـى متـــى .. الله يعـــلم

~*¤ô§ô¤*~*¤ô§ô¤*~عقد وسوار~*¤ô§ô¤*~*¤ô§ô¤*~

لا شــاري عــقـدِ ولا مـهـدي سـوار
لا تلحـقي نفـسك همـوم وحـسـايف

تريثيي يـا قــرة الـعـين مــقــدار
ما تشرب عـروق القصيـد الوصـايف

لا من قـدحت الشـعـر وشـبـيـت لك نار
نارِ على روس الـهضـاب الـنـوايف

يطرب لهــا السـاري ويسـري بها الطار
وتزهر بهـا عـقب المحول الشـفايف

باهديك أنا عمر ولاكل الأعمار
يـفنى القلم قبــله وتفنى الصـحـايف

قـصيــدة تـولـد ورى بـاب وجــدار
ســر الضلوع المرهفــات النحـايف

وإلى أصـبحت طارت على متن الأسـفـار
وغنت بهـا قـبل النفــود الصـحايف

غـيبي وشـيـبي وإتركي كل مـا صـار
يبقى جـمـالك في قـصـيـدي طرايف

وخـلي الكواكب من سـنا نـورك تغــار
ولا تلـحقي نفـسك همـوم وحـسـايف

~*¤ô§ô¤*~ ليلــــ التجــــــافي ~*¤ô§ô¤*~

آه .. .. من ليــل التجافي ما اطولـه
ليلـــة العــاشـــق ثــوانيـهــا ليــــال

مـن يقـــول الشمــس بـاكـر مقبلــه
كــل شمــس ٍ مالها وجهــك ضـلال

بســألك بللــي خـــذا منـــك الولـــه
وحطه اف صدري واعطاك الجمال

حــاكنـــي لجــل الليـــالـي الاولــــه
آه .. .. انـا بمــوت من ذل السـؤال

هو صحيــح انك حبيبي اللـي دلــه
واستــوى عنــدك فراقي والوصال

كل جــرح ٍ غيــر جــرحــك بقبلـــه
وكل ظلـــم ٍ غير ظلمــك لي عــدال

~*¤ô§ô¤*~ اول كــــلامـــي ~*¤ô§ô¤*~

ابيك في كلمة لو هي خطا .. تغفر لي الزلـه
وردتك ظامي وان عز وصلك.. فاقطع حبالي

احبـــك .. ذا ترى اول كلامي .. وآخره كلـه
ولكن وش يضر اليوم لو تدري عن احـوالي

وخذ ما جاز لك من هالحكي واللي تبي خلـه
انا لا قلت ما في خـاطــري .. والله ما ابالي

ظــلال العاشــق جروحه ومن ما يتبعه ظلـه
امانه يا شعاع الشمس لا تغضب من ظلالي

وتقــدر تطــوي الـدرب البعيــد وتقـدر تفلّـــه
ولكن صعب تمنع فالهوى صبري وترحـالي

وتقــدر تغمـد السيـف الرهيـف وتقـدر تسله
ولكــن عنـد خـلاق البـريـه علــم الآجــالــي

متى عمرك سمعت بعاشقٍ قد مات من غله
هذاك الحاسد وراعي الهوى تتلفه الامـاني

حبيبي .. .. من يعــزك بالهوى ما تقدر تذله
ترى قربك يزيدك بالغلا ,, وان عفتني غالي

~*¤ô§ô¤*~ يطــري عليــه الــولــه ~*¤ô§ô¤*~

يطري عليه الوله .. واطري على باله
يا مـرحبا لا ضــوى خلــي علــى بابـي

هجيـت حـدب الضلــوع ونــوّخ جمـاله
لاجله بكت دمعتي ولاجله ضحـك نابي

وكل ما شكـا من عنـا همـه وغربـالـه
اقــول لـه عل ذا جــرح ٍ من اسبــابي

ولا ضحــك لي لمحـت النـور بـ آمـاله
ولا تجهــم ستــرت السقــــم بثيــــابـي

طال الحكــي ما لقيت الوصـل فوصاله
لأنـي حبيبه ولا هـو اقــرب اصحـــابي

نـاديــت طــاري المــودة مالنـا ومالــه
بالحيــل انا وانت ربع وكننــا اغـرابي

يازيــن كانــك حــزين فـ حـالتي حالـه
يكفيــك همـك وانـا بصبر على مـابـي

لو الشجــر له نصيب ببـــارد ظــــلاله
ما حـرّق القـيظ جفني وانت باهــدابي

][..mjro0o7a..][

07-21-2007, 08:47 PM

الأربعين قصيدة

ادري ان الوقت يذهب ما يعود
اربعينٍ فارقتني يالعنود
ماطر الايام من غيم الزمان
ما يبل الريق لو مهما يجود
كم شربته صافيٍ بارد قراح
ما دريت ان الظما سر الوجود
كل شمسٍ تلمس اشجار العمر
تحرق الاوراق وتجف الفنود
وكل ريحٍ تدفع شراع العمر
ينقطع به حبل ويميل العمود
اربعين مرت وتوني صغير
انتظر لعل تصدق لي الوعود
والغريب اني على هذا مغبوط
ادري اني بخير لا شفت الحسود
الزمن يا بنيتي كله زوال
ما تخلد كود لحظات السجود

لادمعة في العين تكفي ولا آه
لا من نوى لك صاحبك بالقطيعه
الله على بعض المحبـين ما اشقاه
يرجي زهــر روضٍ تولى ربيعه
ولا مـن خذا له ساعة قال ابساه
بانسى هوى اللي بـاعني قبل ابيعه
وده يعسر القلب عن غي مشهاه
هيهات ياقلب الخطا لو تطـيعه
الله يجازي الحب مااكبر خـطاياه
شره على اصحاب النفوس الرفيعه
اهـل الوفا واهل الشيم من سواياه
ضاقت بهم دنيا فججها وسيعه
والا الخبيث بمنسم الرجل ناطاه
يوم الغـدر والخبث عنده طبيعه
يالله عسى لي خيرة عقب فرقاه
لوكان فرقا الخل مثل الفجـيعه

بحر العيون

تقول اللي طرف عينك أنا مدري هدب أو عود
أحس اني من اللي صابها ماشوف قدامي
ضحكت .. وقلت لاتخافي على بحر العيون السود
على شط الكحل مريت .. وهذا موضع أقدامي
أدوّر عن ذهب .. أدور كنزي المفقود
وأشوف الموج يطوي الموج ويبحر مركب أحلامي
عيوني بسمة اعيونك ولو صارت مطر ورعود
أبا اشرب من ظما دمعك وابااغسل جرحي الدامي
عطيني عيونك الليلة .. وباكر ياعساه صدود
أمانه لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم .. وهم الدنيا قدامي

أبها

كل ما كتبت أبها .. نشت فوق الأوراق
سحابةٍ .. وابتل في الصدر معلوق
أخيل بين أصابعي .. نوض براق
وكن القمر ينبت له غصون .. وعروق
شقت ثياب الليل .. عن جلد الأشفاق
لا بان لي معنى0 .. ولا زانت طروق
ضاع القصيد00وما بقى غير الأشواق
وأحلى الشعر ما يكتب الشوق في الشوق
إن خان بي الشاعر .. فأنا جيت عشاق
وكل عاشق لا بد ما يطلب حقوق
يا سودة أبها .. خاشري كل شعاق
كبد السما لا شك لدي لي بموق
إن كان أبو بندر على الوصل سباق
لي الفخر .. إني من الشيخ مسبوق
لأجلك عسير .. أزعلت خلاني فراق
جيتك .. ودونك أشهب القاع مشقوق
لي ديرةٍ خدانها مثل الآفاق
فاطرافها .. وديان .. وجبال .. وعروق
وحّد ما بين ترابها .. دين وأخلاق
وفرّق شمل عدوانها .. كفر وعقوق

النسيان

تذكر النسيان ... لاعاد تنساه
ياقلب ... وانسي القلب لعل يشفا
يدرى الحبيب ... انه حبيبٍ وابجفاه
ماهو خراب الكون ... لاقفيت واقفا
كان الخطا منى ... فقلبي خطاياه
هو علمه ... وشلون ... يهجر ويجفا
تعب المسافر ... وابعد الموج مرساه
صار المدى له يم ... والشمس مرفا
ومل الهوى نوحه ... وبوحه ... ونجواه
ماعاد لى صبر على الجراح ... تكفا
الى متى ...صدري بيحترق حناياه
كنك على صالي ...عظامي بتدفا
والى متى ... جفنى بيسقيك من ماه
كن الليالي لاصفا الدمع تصفا
تذكر النسيان .... ياقلب وانساه
وانسي ... الجروح اللي مع الوقت تشفا

لا تجرحيني

لا تجرحيني .. جرحك العام ما طاب
داوي بحنانك ما مضى .. واجرحيني
ياللي حنانك نظرة بين الأهداب
ردي علي بعض العزا .. ناظريني
خافي على قلبٍ يحبك إلى ذاب
ذاب الهوى في خفقته .. والحنيني
لولاك ما زار القمر ليل الأحباب
ولا لوحت شمس المحبه جبيني
ولولاك .. ما يلفي على الدّار غياب
ولا تبكي اللي فارق الدار عيني
في غيبتك كل الملا عندي اغراب
ما أحدٍ أبي قربه .. ولا أحدٍ يبيني
لا ياغلا كل القرابه والأصحاب
ضاع العدل في الناس لو تظلميني

وعود وأعذار قصيدة

عطني فـهواك الصبر لاصرت قاسي
تبدي حنان وداخل القلب جبّار
لا صار قلبك خالي الحس ناسي
وتلعب على المشتاق بوعود واعذار
ولا صار فيك من الأمل كثر ياسي
وعندك يقين وتارك القلب محتار
لا من نسيت اولي نويت التناسي
اترك وراك لباكي العين تذكار
اشرب معاه الوهم لا جف كاسي
و لا ما حصل شوفك أضمك بالأفكار
يا حارمٍ عيني لذيذ النعاسي
ومعذبٍ روحي بجنّتك والنّار

نسيم الليل

هب النسيم بريح من مفرقه لاح
عطر.. وسنى من غزة الليل بادي
ما عاتبه موضى جبينه ولا شاح
أعطاه خده .. وانتشى بالبرادي
لا يا نسيم الليل قلب الخطا باح
والعين ملت جفنها من سهادى
يا ليتني مثلك خلي ومرتاح
ما أحد نشد عن غايتي .. عن مرادي
ولا طاب لي غصن من الغى مياح
أروي غليل القلب لا صار صادي
لا شك أنا بالحب كتبت لي جراح
شربي حزين الدمع .. والصبر زادي
لا جيت أبا أدله عن زماني الذي راح
قالت ليالي الشوق00وين أنت غادي

نصال الخناجر

إرفع جروحك عن نصـال الخناجـر
نـزفك عــزيز ومثلك النجــم لاطـــاح
ولاتنحني للريــح والذل فـاجـــر
والخـوف ســـاس الـذل والغبن ذبـّاح
مادام لك عن خفضة الهـام زاجــر
إمّــا إنكـســـر ولا تعــدّاك الاريـــاح
ماإنته بعشبٍ نـابتٍ وســط حاجـر
ولا إنته شـــراع التيـه والـوقت مـلاّح
إنت الّذي باسمك تضيق الحناجر
لو إنطقوا بك همس .. سمعوا بك صياح
تقفي وكن الحرف للحـرف هاجـر
وتقبل وقـلب الصـخـر بالشـعـــر بــوّاح
ولا من رمى صبحك عباة الدياجر
ثم إنتهض ما شـع بالنـور مصباح
إرفـع جروحـك عن تـراب الخناجـر
نزفـك عـزيــز ومـثلك النجــم لاطــاح

الهوى لو تمنى

الهوى لو تمنى .. سلوته مستحيله
واعذاب المعنى كان روحه عليله
لا بغى الوصل منا من ضافي الجديله
عود موزٍ .. تثنى وش رماني بسبيله
سهم عينه رمنّى والرموش الطويله
خبروا الزين عنّى لي نشد عن قتيله
كل خلٍ .. تهنى في الهوى مع خليله
فاتنا السعد حنا يوم نفسه بخيله

وسيم الناس قصيدة

قال مجروح ... جاوبته نعم
قال ماشوف بك ... اثار ...دم
قلت وان كان في ذاتي النزيف
قال ما به نزيف ... من عدم
قلت وان خان بي اغلا حبيب
قال وهم ... بنيته وانهدم
قلت ماعذبك يوم الفراق
قال درب وتمشيه القدم
قلت ما به سوى جلدك شعور
قال غيره فلا احس ... بالم
ياوسيم الناس لو قلبك وسيم
واكرم الناس في غير الكرم
عندك الظلم عدل ٍ في الهوى
واعدل العاشقين ... اللي ظلم
انت لو كان في حبك حياة
كان خلى حياتك له طعم
اتعس الخلق من يرجي ... هواك
ما اضيع النبض في ... قلب الصنم

م ن ق و ل

آســفـ9 علــى الإطــآلـــة

خواااااطر

07-26-2007, 12:00 AM

لسوعتي

الله يعطيك العافيه

على النقل الرائع ويسلم

الناقل والمنقول

يسلموووو يالغلا وبنتظار جديدك

لكِ من الود اصدقــه

خواااااطر

شموخ أنثى

07-27-2007, 12:50 AM

هـــــــــــلا و غ ــــــــــــلا

كل الحلاااااااااااا

قمة الأبداع نقلك لموضوع عن شاعر مبدع

شاعر مرهف الأحساس وهو فارس تحلم به كل النساء

تقبلي أعجابي وتقديري لنقلك الرائع

الغربي

07-31-2007, 04:02 PM

لسوعه كل الحلا

ربي يعطيك العافيه يالغلا

على النقل الرائع لهذا الشاعر الكبير والمعروف

سلمت يدينك والله لايحرمنا تواجدك

تقبلي مروري وتحياتي الغربي